Dr.

Þorláksmessa

Sun, 16 Dec 2007 20:18:52 GMT

Ég var að klára fjórða gulrótapokann á þessari önn. Hver poki er 2 kg. Það eru frekar mörg kg af gulrótum.. Ætli sólin geri mig appelsínugula í sumar? Ábyggilega með þessu áframhaldi.

Eftir eina viku er uppáhalds jóladagurinn minn: Þorláksmessa :)
Í minningunni er Þorláksmessa einhvern veginn svona:

Móðurfjölskyldan hittist heima hjá ömmu og afa á Lækjó. Krakkarnir fengu að fara í heita-pottinn fyrir mat, afi sauð skötu úti í skúr og þeir sem þorðu í skúrinn fengu líka að smakka hákarl.
Besti matur í heimi borinn á borð; skata og hamsatólg, nýjar kartöflur, ýsa og saltfiskur og nýbakað rúgbrauð með smjöri. Nammi-nammi-namm.
Ahh.. góðar stundir á Lækjó.

Síðar um kvöldið er Friðarganga niður Laugaveginn. Þá er gott að kaupa sér kakó og róa sig eftir jólastressið.
Síðan er miðnætur hangikjöt hjá fjölskyldu Hildar.
Verst hvað ég hef alltaf verið að vinna á aðfangadagsmorgun og ekki getað verið of lengi þar. En mér hefur þótt mikilvægara að eiga frí á Þorláksmessu en sjálfa hátíðardagana.
Dagur fullur af hefðum.

Núna býr ókunnugt fólk á Lækjó og engin fjölskyldumeðlimur hefur viljað taka að sér hefðina. Ekki vinsælt að sjóða skötu innandyra. Leim afsökun!
Í fyrra héldum við mamma okkar eigin skötu-veislu og buðum Sigríði tónmenntakennara yfir (en hún býr í sömu götu). Mamma keypti hellur svo við gátum soðið skötuna úti í garði og svo var skálað í jólabjór.

Ég get ekki beðið eftir Þorláksmessunni í ár.
..get ekki beðið eftir að hitta vini og fjölskyldu og vera heima um jólin.

Sjáumst eftir viku!!

Grænt te getur verið skaðlegt í óhófi...

Sun, 09 Dec 2007 12:29:12 GMT

Jamm það er rétt. Síminn minn myndi taka undir þetta.. ef hann hefði ekki látist eftir óhóflegt tebað. Hélt að svona lagað kæmi bara fyrir kjána í kjánalegum myndum..

En nei. Í gær missti ég símann minn ofan í tebolla.

Algjörlega ónothæfur.. en hefur aldrei ilmað jafn vel.

Þeir sem þurfa að ná í mig mega senda mér meil.

Þeir sem þurfa ekki að ná í mig mega líka senda mér meil.

Kveðjur eru góðar.

Í gær var minn fyrsti julefrokost. Bekkurinn minn og eldri nemendur sem sáu um Rus-túrinn hittumst, borðuðum góðan mat, drukkum öl, snafs og glögg, dönsuðum og skemmtum okkur. Ég hafði tekið að mér að búa til Ris á'lamand, sem er ákveðin kúnst og tók tíma að finna útúr.. og til að flækja enn fyrir mér var ég staðráðin í að búa til karmellusósu í staðinn fyrir að kaupa hina hefðbundnu dönsku kirsuberjasósu. Ahh.. það var vesen. Hvernig getur verið svona mikið mál að búa til sósu úr bræddum sykri, vatni og þeyttum rjóma? Jú, heitur sykur er stórhættulegur og þegar maður setur vatn útí þá frussast sykurinn út um allt. Í fyrstu tilraun brenndi ég sykurinn og í annarri tilraun vil ég meina að rjóminn hafi verið gallaður þar sem hann fór allur í kekki og vildi ekki blandast við sykurinn.

Í þriðju tilraun varð sósan allt í lagi.. bara ögn þynnri heldur en venjulega þar sem þeyttur rjómi var uppseldur og ég þurfti að nota kaffirjóma og matreiðslurjóma... dadara..

Þetta er í síðasta skipti sem ég geri risalamand og karmellusósu fyrir svona mikinn fjölda af fólki. Vil líka kenna því um.. það er betra þegar maður prófar eitthvað í fyrsta skipti að gera einfalda uppskrift en ekki sexfalda.

Þurfti síðan 2 til að hjálpa mér með þetta yfir í Fredriksberg. Ég er alltaf að reka mig á það þessa dagana hvað hjólakarfan mín er ekki nógu stór. Stundum væri gott að vera með aðgang að bíl.

Ég ætla að reyna að læra pínu áður en ég fer til vinkonu minnar í piparkökubakstur. Róleg- og huggulegheit (ííí hvað ég er farin að nota danska íslensku.), risa piparkökuhjörtu með nöfnunum okkar og klassísk sænsk jólalög.

Mér varð ljóst í gær að ég hef ekki haft nein jólalög á heilanum hingað til. Sem er stórmerkilegt þar sem ég er venjulega farin að syngja jólalög í október heima á Íslandi. Svo ég skellti mér á fm957 á netinu, sem ég vissi að ekki myndu svíkja mig um íslenskt jóla-trall.. svo ég gat trallað mig fram úr bakstrinum. Það var gaman.

Jæja, þetta var útúrdúr.

Lofa einu bloggi áður en ég kem heim um jólin.

Knús!

La Vida es un Carnaval

Sat, 29 Sep 2007 14:17:59 GMT

Gott að hlusta á Celia Cruz og leiða hjá sér óspennandi veður.

Bráðum mánuður síðan ég byrjaði í skólanum. Mér finnst eins og ég hafi verið ég hérna mun lengur. Búin að tengjast góðu fólki og koma mér vel fyrir. Er í líkamsrækt á einhverri lúxus fitness-stöð, búin að kaupa mér gítar og er með góða rútínu. Dönsku áhrifin segja til sín... hjóla út um allt, hreyfi mig fyrir skóla, mæti með nesti í skólann og er alltaf að narta í gulrætur og tómata. Ég held mig reyndar við sænska hrökkbrauðið.. en áður en ég veit af verð ég farin að kaupa rúgbrauð í staðinn.

Var að setja inn myndir á Facebook fyrir þá sem vilja forvitnast um hvernig ég bý og fólkið sem ég umgengst.

Ljúfa líf.

Halløjsa!

Fri, 21 Sep 2007 16:20:27 GMT

Mikid lidur timinn hratt. Strax komin helgi. Min vegna mættu alveg vera fleiri skoladagar. Mer finnst rosa gaman i skolanum.

Haha.. eg er enntha i skolanum klukkan half sjø a føstudegi. Tok mer bara breik fra lærdomnum til ad kikja a netid.

Mer finnst næstum thvi allt of mikid djamm i bodi..

Thad er meira slitandi ad taka thatt i thvi heldur en ad sitja uppi i skola eda a bokasafninu med namsbok.

I kvøld er kokteilakvøld med sænsku stelpunum og einhverju spænskumælandi lidi og a morgun fer bekkurinn saman ut ad borda og svo førum vid a semesterstartsfest med øllum a fyrstu ønn. Thad verdur bondathema. I thetta skiptid ætla eg ekki ad vera olett bondakona med viskustykki sem harklut (eins og i Rusturnum).. bara vera i sætri H&M køflottri skyrtu, gallabuxum og stigvelum med flettur i harinu. Tek buningunum ekki alveg jafn hatidlega og Danirnir.

Sunnudagskvøldid er svo lika bokad.

Eg er buin ad vera rosa dugleg i skolanum. Kannski of dugleg. Eg haga mer eins og eg se ad fara i prof i næstu viku.

Ef vid eigum ad reikna valin dæmi i efnafrædi ur einhverjum kafla.. tha reyni eg ad reikna øll dæmin i kaflanum.

Ef thad er fyrirlestur um frumuna reyni eg ad vera buin ad glosa allt sem eg get um frumuna fyrir fyrirlesturinn.

Madur verdur samt ad kynna ser namsefnid fyrir timana og vera undirbuinn.. annars situr madur bara tharna og nær ekki neinu.

Suma daga er eg voda klar i dønskunni.. en flesta daga er hun voda sænsk.

Eg er farin ad hugsa a sænsku.

I næstu viku førum vid fimm ur bekknum ad hitta heimilislækni i Brønshøj. Hann mun svo uthluta hverjum og einum einn af sjuklingunum sinum sem vid eigum ad heimsækja og taka vidtal vid. Ekki eins og bladamenn.. heldur læknar audvitad (thagnarskyldan) og sidan eigum vid ad skrifa sjukrasøguna hans. Thad verdur spennandi. Eg er svo anægd med hvad their tengja strax samskipti vid sjuklinga inn i namid og tækifæri til ad koma inn a spitala.

Liffrædin og efnafrædin er meira ad segja ahugaverd thar sem vid lærum hana med thvi ad fjalla um sjukdoma.

Nuna erum vid lika buin ad fara vel yfir skyndihjalpina sem eg myndi ekki hika vid ad nota ef eg kæmi ad slysi.

Oh hvad eg er glød ad vera byrjud!

Er edlilegt ad finnast svona gaman ad læra?

Thad er allavega ohætt ad segja ad madur verdi ferskur og til i slaginn eftir 2 ara skolapasu.

Vonandi endist thad sem lengst!

Fyrsta vikan

Mon, 10 Sep 2007 13:53:45 GMT

Fyrsta skólavikan er liðin.

Allt fer hægt og rólega af stað og við fáum góðan tíma til að komast inn í kerfið. Við höfum aðallega verið að fjalla um samskipti í heilbrigðiskerfinu og á fimmtudaginn fórum við í vettvangsferð á spítala og áttum að fylgjast sérstaklega með samskiptum.

Ég fór ásamt bekkjasystur minni á Roskilde sygehus á þvagfæradeildina. Við tókum stofugang með lækni og fórum svo með yfirlækni upp á þvagfæraskurðdeildina. Það var rosalega spennandi. Löbbuðum inn í aðgerð eftir aðgerð og það var næstum liðið yfir stelpuna sem var með mér þegar við sáum leg fjarlægt úr konu.

Svo á föstudaginn áttum við að presentera það sem við höfðum séð, sérstaklega með tilliti til samskipti fólks. Flestir fjölluðu um samskipti læknis og sjúklings – en ég fjallaði um skamskipti starfsfólksins í aðgerðunum.. en mér fannst ótrúlegt hvað stemmningin var létt og skemmtileg.. allir svo hressir og glaðir og spjölluðu um hversdaginn og um persónulega hluti eins og fjölskylduna, helgina, slúðrið á meðan það var að skera upp sjúklinginn. Allt var svo frjálslegt og við fengum meira að segja nammi og djús meðan við horfðum á axli fjarlægt úr blöðruhálsinum. Ég hafði ímyndað mér sterilt umhverfi, allir í grænu og einbeittir að aðgerðinni sjálfri og sjúklingnum og líðan hans..

Þetta var svoldið sérstök upplifun.

Ég lifði semsagt af fyrstu ræðuna mína á dönsku. Var rosalega stressuð samt, eldrauð í framan og titrandi.. en allt fór vel og ég fékk hrós fyrir dönskuna mína og sérstakt lófatak.

Eftir skóla á föstudaginn fór bekkurinn saman á stúdentaklúbbinn þar sem var fyrsti Fredagsbar skólaársins. Við biðum 6 klst (!) í röð eftir að komast inn.. en það var ágætlega fljótt að líða þar sem veðrið var æðislegt - tveir bekkjabræður mínir fóru og keyptu 3 bjórkassa, svo við sátum í röðinni og spiluðum, borðuðum pizzu og höfðum það notalegt með bjór. Eftir sex tíma biðröð var maður þó orðinn svoldið þreyttur þegar við komumst loksins inn á klúbbinn. Entist bara í 2 og ½ tíma á dansgólfinu og svo hjólaði ég heim.

Afbragðs endir samt á góðri viku! ;)

Rusturinn

Sun, 02 Sep 2007 21:01:53 GMT

Þá er míns komin heim úr Rustur og núna sit ég í stigaganginum á 5. hæð á Sölvgade, stelandi neti af nágrannanum. Við fáum vonandi net í næstu viku. Very important!!

Í þessum Rustur fór bekkurinn minn, ásamt tveimur af bekkjunum sem byrja í læknisfræðinni í febrúar, til Aabenraa sem er bær á suður Jótlandi. Þetta var 6 daga skálaferð með skipulagðri dagskrá frá kl. 8 á morgnana fram á nótt. Þrír mismunandi leikir og þemu á hverjum degi.. svo núna kann ég að klæða mig upp sem ólétta bóndakonu, afrikan-american Harlem discoqueen (það flott gervi að ég fékk með þeim fyrstu VIP inn á Studio 54), rússneskt barn handalaust og fótalaust (og seinna notuð sem keilukúla í ólympíuleikum fatlaðra) o.fl o.fl.

Þetta var rosalegt! Eldri nemendurnir sem skipulögðu þetta hafa unnið að þessu í allt sumar.. og engin smá útkoma! Núna sé ég svo rosalega eftir því að hafa ekki alltaf verið með video-kameruna á mér.. því skemmtiatriðin voru svo flott og ratleikirnir og stöðvarnar heilt leikrit útaf fyrir sig. En maður var svo upptekinn að taka þátt og leika sjálfur svo ég tók varla mynd, hvað þá video. Svona er þetta þegar það er gaman hjá manni.. þá gleymir maður myndavélinni.

Á daginn var alltaf frekar róleg dagskrá sem tengdist læknisfræðinni – mjög fróðlegt. Við fengum til dæmis case og áttum að reyna að finna hvað var að sjúklingnum með því að fara á mismunandi deildir innan spítalans. Við lærðum að hlusta og skoða sjúklinga, skyndihjálp og fengum þessa almennu kennslu. Svo kom fólk frá nemendaráðinu og félagi danskra læknanema og kynntu sitt og tveir nýútskrifaðir læknar sem deildu reynslu sinni með okkur.

Seinni partinn og á kvöldin var meira sjów og leikir með meira það að miði að hrista hópinn saman, leika og drekka. Einn daginn þegar stelpur voru strákar og strákar voru stelpur lærði ég tæknina að opna bjór í gleri með því að nota annan bjór í gleri (þú ert ekki maður með mönnum nema að geta það). Það var rigtigt sjovt, svo núna fíla ég mig sem ekta Dana.

Mér tekst engan vegin að segja frá allri dagskránni þessa viku.. en ég verð samt að lýsa tveimur kvöldum sem voru sérstaklega eftirminnileg.

Okkur var boðið í erfidrykkju einhvers greifa og vorum við nánustu ættingjar. Á meðan verið var að kanna hver fengi hvað í arf sátum við í herre-værelset og gátum spilað og drukkið kaffi eða annað. Síðan var kallað á borð og borð í einu og við fengum að fara í túr um kastalann. Allt umhverfið var svo spúkí, ljósin slökk og kerti notuð í staðinn. Úti voru kyndlar sem lýstu leið og þau höfðu hengt upp álpappír sem endurvarpaði tunglsskinið – fullkomið kvöld, stjörnubjart og fullt tungl.

Í eldhúsinu voru líkamspartar í formalíni og fullt af uppskriftum hvernig átti að búa til hitt og þetta ógeð. Þau bjuggu til leynileið niður í kjallara þar sem ein hafði verið fangelsuð og öskraði og grét þar sem hún stóð hlekkjuð.. úú. Þaðan lá leið inn í barnaherbergi þar sem var spúkí spiladósarlag, gömul barnaleikföng og svo dagbók með síðustu hugleiðingum einhvers sem var að missa vitið. Svo fórum við útí skóg og löbbuðum óupplýsta slóð. Ég öskraði svo mikið því á leiðinni voru alls konar vofur sem gerðu manni bilt við. Við hittum útigöngufólk, fundum gröf og eiganda hans og sáum svo annars staðar hvernig hann hafði verið myrtur, líkið hans í vatninu (sem var leikið af einum af vejledurunum) ekkert smá krípí og af honum áttum við að ná einhverjum hring. Hittum svo annan draug sem gat sagt okkur að ein af þjónustustúlkunum hefði drepið hann og seinasta þrautin var að handsama þá réttu.

Daginn eftir voru ólympíuleikar Fatlaðra sem haldið var í Rúmeníu. Landið mitt, Rússland, vann fyrsta sætið. Ég náði ekki það mörgum keilum niður þegar ég var notuð sem keilukúla.. en Emma stóð sig mjög vel í fótboltaleik blindra og handalausi dvergurinn gerði gott í glímu. Um kvöldið var okkur svo boðið í rúmenska sendiráðið til veislu. Sendiherrahjónin voru með þræla og þeir skömmtuðu matinn með höndunum og borðuðu svo sjálf leyfarnar með höndunum á svörtum plastpoka á gólfinu. Maturinn var chilli con carne.. svo þið getið ímyndað ykkur hvernig það leit út.. Síðan báru þrælarnir inn kistu þar sem drakúla greifi lá og leikur kvöldsins og stöðvarnar snerust um að læra ráð til að fæla drakúla frá. Til dæmis áttum við að flytja hvítlauk á milli með mismunandi aðferðum og fljótlega voru allir angandi af hvítlauk. En drakúla lét allaf sjá sig inn á milli og tók einn af okkur á afskekktan stað og lét hann drekka blóð (rauðvín).

Úff.. ég man ekkert í hvernig röð þetta var. En eitt kvöldið var bóndaþema þar sem við lærðum línudans, áttum að leika sögur úr biblíunni, vera traktorar (annar labbar á höndum) í boðhlaupi og fylla á bensínið (bjór) á miðri leið, kartöflutínsla þar sem við fluttum kartöflu á milli með skeið í munninum og svo ,,pleje marken” sem snerist bara um að taka staup eftir staup og tæma borð af staupglösum. Uss – þið getið ímyndað ykkur hópinn sem byrjaði á þeirri stöð.

Jamm og já.. þetta snerist svoldið mikið um drykkju!

Engin pressa á þá sem ekki drekka.. en það hlýtur að vera erfitt samt að vera edrú með svona liði.

Ég lærði helling af dönsku á þessari viku, sænsku reyndar líka og kynntist góðu fólki úr bekknum mínum. Ég er rosalega ánægð með bekkinn minn. Við hittumst aftur á Studentaklubbnum í gær og ég og tvær sænskar stelpur elduðum saman og fengum okkur smá rauðvín fyrir. Það verður súper að mæta í skólann í fyrramálið. Hlakka mikið til!

Jæja já, held að ég ljúki þessari skýrslugerð núna.

Bæjó.

Sumar

Tue, 31 Jul 2007 19:07:02 GMT

Sumarið hefur verið æðislegt! Mér finnst allt í lagi að það sé farið að dimma og að hann rigni svoldið. Rigning er líka kósý. Ég er kannski ekkert allt of spennt fyrir þjóðhátíðarspánni.. 20m/s og flóð.. en ég keypti þessi rosalegu rauðu rósastígvél og rauðan pollagalla í stíl í Húsasmiðjunni og ég verð nokkuð svekkt ef ég fæ ekki tækifæri til að nota hann. Já, ég hugsa að ,,Hvar er Valli?” – búningurinn sem við Dísa ætluðum að vera í fái ekki að njóta sín í ár. En það er alltaf næst.. Eftir þjóðhátíð er kveðjuteiti 11.ágúst, er að spá í pulsupartýi úti í garði ef veður leyfir.. og svo yfirgef ég pleisið 13.ágúst. Flýg til London og heimsæki Unni 15.ágúst og svo er það læknisfræðin.. Loksins, loksins. Vinnunni á slysó tókst ekki alveg að fæla mig frá faginu, þrátt fyrir að hafa verið átakanleg oft á tíðum. Suma daga velti ég því fyrir mér af hverju í ósköpunum ég valdi ekki einhverja aðra grein.. eða gerðist safnvörður og hengi innan um falleg listaverk allan daginn.. eitthvað einfalt og gott. En flesta daga gerðist eitthvað spennandi og áhugavekjandi. Ég upplifði heilan helling, er reynslunni ríkari en hlakka til að læra og geta gert eitthvað alvöru gagn. Það var nefnilega það óþæginlegasta við að vera aðstoðarmaður á slysa-og bráðadeild. Fannst ég oft svo gagnslaus, skorti fræðina og gat gert svo fátt sjálf. En hey.. ég get gert þetta eftir svona 20 ár ;) Kannski skemur. Þetta kemur. Er komin með Facebook og reyni að vera dugleg að setja inn myndir þar. Gaman Gaman.